Saturday, December 24, 2011

ಹ್ಯಾಪಿ ಕ್ರಿಸ್ಮಸ್

ರಾತ್ರಿ ಊಟ ಮುಗಿಸಿ ಬಂದು ಸುಮ್ಮನೆ ನೆಟ್ ಅಲ್ಲಿ ಏನೋ ಸರ್ಚ್ ಮಾಡ್ತಿದ್ದೆ . ಜೋರಾಗಿ ಸ್ಲಿಪ್ಪರ್ ಶಬ್ದ ಮಾಡ್ತಾ ಒಬ್ಳು ಹುಡುಗಿ ನಮ್ಮ ರೂಮ್ ಗೆ ಬಂದ್ಲು. ಏನಾಯ್ತಪ್ಪ ಇವ್ಳಿಗೆ ಅಂತ ಬಾಗಿಲ ಕಡೆ ನೋಡ್ದೆ .ವಳಗೆ ಬರ್ಲಾ ಅಂದ್ಲು ಸ್ಲಿಪ್ಪೆರ್ ಹಾಕೊಂಡೆ ಬರ್ಲಾ ಅಂದ್ಲು .ಹ್ಮ್ಮ್ ಅಂದೆ .ಓಡಿ ಬಂದ ರಭಸಕ್ಕೆ ಮಾತಾಡಲು ಆಗ್ತಿಲ್ಲ ಅವಳ್ಗೆ. ಆಮೇಲೆ ಸುಧಾರಿಸ್ಕೊಂದು ವಾವ್ ನಿಮ್ ರೂಮ್ ತುಂಬಾನೇ ದೊಡ್ಡದಿದೆ ಹಾಗೆ ಹೀಗೆ ಅಂದ್ಲು. 

ಯಪ್ಪಾ ತಾಯಿ ಬಂದಿದ್ ವಿಷ್ಯ ಏನು ಹೇಳ್ಬಾರ್ದ ಅಂತ ಮನಸಲ್ಲೇ ಅಂದ್ಕೋತಿದ್ದೆ. ಅಸ್ಟರಲ್ಲೇ  ಸ್ಟಾರ್ಟ್ ಮಾಡಿದ್ಲು . ನಾವೊಂದು ಗೇಮ್ (ಅದೇ ಚಿಟಿ ಲಿ ಎಲ್ಲರ ಹೆಸರನ್ನು ಬರ್ಯೋದು..ಆಮೇಲೆ ಅದ್ರಲ್ಲಿ ಒಬೋಬ್ರು ಒಂದೊಂದು ಚೀಟಿ  ತಗೊಂಡು ಯಾರ ನೇಮ್ ಇದೆ ಅದ್ರಲ್ಲಿ ನೋಡ್ಬೇಕು .ಆಮೇಲೆ ಒಂದು ಬಾಕ್ಸ್ ಇಟ್ಟಿರ್ತಾರೆ ಅದ್ರಲ್ಲಿ ನಮ್ ಹೆಸರು ಹಾಕದೆ ಯಾರ ಹೆಸರು ಬಂದಿರುತ್ತೋ ಅವ್ರ ಹೆಸರು ಹಾಕಿ ಲೆಟರ್ ಬರಿಬೋದು .ಫ್ರೊಂ  ಯುವರ್ ಸೆಕ್ರೆಟ್ ಫ್ರೆಂಡ್ ಅಂತ. ಆಮೇಲೆ ಅದನ್ನ ಅ ಬಾಕ್ಸ್ ಗೆ ಹಾಕ್ಬೇಕು ಯಾರಿಗೂ ಗೊತ್ತಾಗದ ಹಾಗೆ. ಡಿಸೆಂಬರ್ ೨೫ ರ ವರೆಗೂ ಹೀಗೆ ಮಾಡಿ ಅವತ್ ನೈಟ್ ನಮ್ಮ ಪರಿಚಯ ಅ ಚಿಟಿ ಲಿ ಇದ್ದ ಫ್ರೆಂಡ್ ಗೆ ಮಾಡಿಸಿ ಏನಾದ್ರು ೧೦೦ ಟು ೨೦೦ ವಳಗಿಂದು ಗಿಫ್ಟ್ ಕೊಡ್ಬೇಕು..) ಆಡ್ತಿದ್ದಿವಿ.ಬರ್ತಿರ ನೀವು ಅಂದ್ಲು. ಯಾವುದಕ್ಕೂ ಅಷ್ಟು ಸುಲಭವಾಗಿ ಒಪ್ಪಿಕೊಳ್ಳದ ,ಯಾರ ಜೊತೆಯೂ ಅಸ್ಟು ಬೆರೆಯದ ನಾನು ಬರ್ತೀನಿ ಅಂದಿದ್ದೆ ..ಅವಳ ಮಾತಿನ ಮೊಡಿಯೇ ಹಾಗಿತ್ತು ಎನ್ನಿ.ಹೇಗೆ ಆಡೋದು ಅಂತ ಗೊತ್ತಲ್ವ ಅಂದ್ಲು ಗೊತ್ತು ಅಂದೆ  . ಕುಶಿ ಆಯಿತು ಅವಳ್ಗೆ ಮತ್ತೆ explain  ಮಾಡೋದ್ ತಪ್ತು ಅಂತ. 

೧೫ ನಿಮಿಷ ಬಿಟ್ಟು ಕೆಳಗೆ ಬನ್ನಿ ಅಂತ ಹೇಳಿ  ಹೊದ್ಲು .ನಂ ರೂಂ ಮೇಟ್  ಕೆಳಗಡೆ ಹೊದ್ಲು. ನಾನ್ ಹೊಗ್ಲಿಲ್ಲ (ಕೆಳಗ್ ಯಾರ್ ಹೋಗ್ತಾರೆ ಅಂತ ಸೋಮಾರಿ ) ಅವಳೇ ಒಂದು ಚೀಟಿ ನನಗು ತಂದ್ಕೊಟ್ಲು.ಓಪನ್ ಮಾಡ್ದೆ ಮಾಧುರಿ ಅಂತ ನೇಮ್ ಇತ್ತು . ಈ ಹುಡುಗಿ ಯಾರು ಅಂತನು ಗೊತ್ತಿಲ್ಲ ಮುಖನು ನೋಡಿಲ್ಲ ಏನ್ ಬರಿಲಿ,ಏನ್ ಗಿಫ್ಟ್ ಕೊಡ್ಲಿ ಅಂತ ರೂಮ್ ಮೆಟ್ ಕೇಳ್ದೆ.ನಾಳೆ  ತೋರಿಸ್ತೀನಿ ಅಂದ್ಲು ..

22 ನೇ ತಾರೀಕು : ಹ್ಮ್ಮ್ ಮರ್ದಿನ ಆಯ್ತು ಯಾರವಳು ಅಂತ ನೋಡೋಕ್ ಹೋಗ್ಲಿಲ್ಲ. ಸುಮ್ನೆ ಲೆಟರ್ ಬರ್ದೇ.ಫಸ್ಟ್ ಟೈಮ್ ಗೊತ್ತಿಲ್ದೆ ಇರೋರ್ಗೆ ಲೆಟರ್ ಬರಿತಿರೋದು ಮಜಾ ಅನಿಸ್ತು.ಕೆಳಗೆ ಹೋಗಿ ಹುಡುಕ್ದೆ ಡಬ್ಬಿ ಕಾಣಿಸ್ಲಿಲ್ಲ.ಹೊರಗಡೆ ಸ್ವಲ್ಪ ಕೆಲಸ ಇದ್ದಿದ್ರಿಂದ ನಂ ರೂಮ್ ಮೇಟ್ ಗೆ ನಿಮ್ ಲೆಟರ್ ಹಾಕ್ಬೇಕಿದ್ರೆ ಇದನ್ನು  ಹಾಕಿ ಅಂತ ಕೊಟ್ಟೆ. ಸಂಜೆ ಮತ್ತೆ ರೂಮ್ ಗೆ ಬಂದು ಟೆರಾಸ್ ಮೇಲೆ  ವಾಲ್ಕಿಂಗ್ ಮಾಡ್ತಿದ್ದೆ.ಶೀಬ ಅನ್ನೋ ಹುಡುಗಿ ಬಂದು ಅ ದಬ್ಬಿಲಿ ನಿಮ್ಗೂ ಒಂದ್ ಲೆಟರ್ ಬಂದಿದೆ ತಗೋಳಿ ಅಂದ್ಲು . ಹೇಗಿದ್ರು ನನ್ನು ಯಾರಿಗೂ ಗೊತ್ತಿರಲ್ಲ  ಏನ್ ಬರ್ದಿರ್ಬೋದು ಅಂತ ಕುತೂಹಲದಿಂದ ನೋಡಿದ್ರೆ ಫುಲ್ ಪರಿಚಯ ಇರೋ ತರಾ ಬರ್ದಿದಾಳೆ  ಅ ಹುಡುಗಿ ..ಯಾರಿರ್ಬೋದು ?!?

23 ನೇ ತಾರೀಕು :  ಮತ್ತೊಂದ್ ಲೆಟರ್ ಬರ್ದು ಡಬ್ಬಿಗೆ ಹಾಕ್ತಿದ್ದೆ ಅಸ್ಟರಲ್ಲಿ ಅದರೊಳಗೆ ಫ್ರಾಮ್ ಯುವರ್ ಸೆಕ್ರೆಟ್ ಚಯ್ಲ್ದ್ ಟು ಅನುಷಾ ಅಂತ ಇತ್ತು ..ನಾನು  ನಿನ್ನೆ ಬರದಿದ್ ಲೆಟರ್ ನಂಗೆ ವಾಪಸ್.ಮೇಲೆ ತಂದು ಓದಿದರೆ  ನಾನು ನಿನ್ನೆ ಬರ್ದಿದ್ದಕ್ಕೆ ರಿಪ್ಲೈ ಬಂದಿತ್ತು ವೊವ್..ಅವಾಗ್ಲೇ ಗೊತಾಗಿದ್ದು ನಂಗೆ ಕೊಟ್ಟಿದ್ ಲೆಟರ್ ಗು ರಿಪ್ಲೈ ಮಾಡ್ಬೇಕು ಅಂತ .ರಾತ್ರಿ ಊಟ ಮಾಡಿ ರಿಪ್ಲೈ ಮಾಡಿ ಡಬ್ಬಿಗೆ ಹಾಕಿ ಬಂದು ಒಂದೆರಡು ಫ್ರೆಂಡ್ಸ್ ನ ಕೇಳ್ದೆ ಏನ್ ಗಿಫ್ಟ್ ಕೊಟ್ರೆ ಚನಾಗಿರತ್ತೆ ಅಂತ . ಅದ್ರು ಅವರೆಲ್ಲ ಹೇಳಿದ್ದು ಯಾಕೋ ಇಷ್ಟ ಆಗ್ಲಿಲ್ಲ.ತಮ್ಮನ ಕೇಳ್ದೆ .ಗೊಂಬೆ ಕೊಡೆ ಅಂದ..ಒಹ್ ಹೇಗಿದ್ರು ಹುಡ್ಗಿರ್ಗೆ ಗೊಂಬೆ ಅಂದ್ರೆ ಇಷ್ಟ ಆಗೇ  ಆಗತ್ತೆ ಅದ್ನೆ ಕೊಡೋದು ಅಂತ ಅಂದ್ಕೊಂಡು ಎಲ್ ಸಿಗುತ್ತೋ ಗೊಂಬೆ ಅಂದೆ.ಯಾವ್ದಾದ್ರು ಫೂಟ್ ಪಾತ್ ಅಂಗಡಿಲಿ ನೋಡು ಅಂದ.ನಮ್ ಏರಿಯ ಲಿ ಇಲ್ಲ ಅಂದೆ.ಪಕ್ಕದಲ್ಲಿ ವೈನ್ ಶಾಪ್ ಇದ್ದೆ ಇರುತ್ತೆ  ಹೋಗ್ ಒಂದ್ ೯೦ ಹಾಕೊಂಡ್ ಮಲ್ಕೋ ಅಂದ.(ಅವ್ನು ಏನೇ ಕೇಳಿದ್ರು ಇ ಏರಿಯ ಲಿ ಇಲ್ಲ ಅಂತೀನಿ ಅದಕ್ಕೆ ಹಾಗೆ ಹೇಳಿದ್ದು  ) ತೆಪ್ಪುಗೆ  ಮಲ್ಕೊಂಡೆ .

24 ನೇ ತಾರೀಕು : ಇವತ್ ಲೆಟರ್ ಬರದಿದ್ ಸಾಕು ಅಂತ ಒಂದು ಜೆಲ್ ಪೆನ್ ಗೆ ಅವಳ ನೇಮ್ ಅಂಟಿಸಿ ಡಬ್ಬಿಗೆ ಹಾಕಿ ಫ್ಯಾಬ್ ಮಾಲ್ ಗೆ ಹೋದೆ.ಡೈರೆಕ್ಟ್ ಗೊಂಬೆ ಇರೋ ಅಲ್ಗೆ ಹೋಗಿ ಒಂದು ಬೆಕ್ಕಿನ ಗೊಂಬೆ ಪಿಂಕ್ ಕಲರ್ ದು ನೋಡ್ದೆ ಸಿಕಾಪಟ್ಟೆ ಮುದ್ದಾಗಿತ್ತು ..ಆದ್ರೆ ರೇಟ್ ಜಾಸ್ತಿ ಅನಿಸ್ತು ..(ನಾನು ಒಬ್ಬಳೇ ಹೋಗಿದ್ದು ಬೇರೆ.ನನ್ನ ಕಣ್ಣಿಗೆ ಕಾಣೋದೆ  ಬೆಕ್ಕು ,ನಾಯಿ,ಮಂಗ, ಈ ತರದ ಪ್ರಾಣಿಗಳು, ಹುಳಗಳದ್ದೆ ಗೊಂಬೆ) ಅದನ್ನ ಫ್ರೆಂಡ್ ಹುಟ್ಟಿದ ಹಬ್ಬಕ್ಕೆ ಕೊಡೋಣ ಅಂದ್ಕೊಂಡ್ ಒಂದು ಪುಟಾಣಿ ಗೊಂಬೆ ತಗೊಂಡ್ ಗಿಫ್ಟ್ ಪ್ಯಾಕ್ ಮಾಡಿಸಿ ವಾಪಾಸ್ ರೂಮ್ ಗೆ ಬಂದೆ ..

೨೫ನೇ ತಾರೀಕು:ಅವತ್ತು ಗೇಮ್ ಅಡ್ತಿದೀವಿ ಅಂತ ಬಂದು ಹೇಳಿದವಳು ಇವತ್ ಬಂದು ಇವತ್ ನೈಟ್ ಪಾರ್ಟಿ ಇರತ್ತೆ ೯ ಗಂಟೆಗೆ ಬನ್ನಿ ಕೆಳಗೆ. ಪಾರ್ಟಿ ಗೆ ಕೇಕ್ ತರ್ತಿದಿವಿ ಒಬೋಬ್ರು ೬೦ ರುಪಿ  ಕೊಡ್ಬೇಕು ಅಂದ್ಲು. ಕೊಟ್ಟೆ..ವೈಟ್ ಡ್ರೆಸ್ ಹಾಕೋ ಬನ್ನಿ.ಫುಲ್ ವೈಟ್ ಬೇಕು ಅಂತ ಇಲ್ಲ ಜೀನ್ಸ್ ಮೇಲೆ ವೈಟ್ ಟಾಪ್ ಆದ್ರು ಓಕೆ ಅಂತ ಹೇಳಿ ಹೋದ್ಲು . ೨ ನಿಮಿಷ ಬಿಟ್ಟು ಮತ್ತೆ ವಾಪಾಸ್ ಬಂದು ಅಪ್ಪಿಕೊಂಡು ಹ್ಯಾಪಿ ಕ್ರಿಸ್ಮಸ್ ಅಂತ ಹೇಳಿ ಹೋದ್ಲು.


ಈ ಗೇಮ್ ನ ನಾವು ಹೈ ಸ್ಕೂಲ್  ಲಿ ಇದ್ದಾಗ ಕೆಲವೊಂದು ಹಬ್ಬಕ್ಕೆ ಆಡ್ತಿದ್ವಿ..ಆ ದಿನಗಳೆಲ್ಲ ನೆನಪಾಯ್ತು ಇವತ್ತು ..ಲಗೋರಿ ಆಡ್ಬೇಕಿದ್ರೆ  ಅಂತು ಅರ್ದ ಮಂಕಾಳೆ ರೋಡ್ ವರೆಗೂ ಓಡಿ ಹೋಗ್ತಿದ್ವಿ  . ಮತ್ತೆ ಯಾವ್ದೋ ೪ ಮನೆ ಹಾಕೊಂಡ್ ಆಡ್ತಿದ್ವಿ ಅದೆಲ್ಲಾ  ಈಗ ಮರ್ತೊಗಿದೆ. ಈಗ ಯರತ್ರಾದ್ರು  ಆತರ ಆಟಗಳನ್ನ ಆಡೋಣ ಬನ್ನಿ ಅಂದ್ರೆ ನಗ್ತಾರೆ. ನಾವೇನ್ ಚಿಕ್ ಮಕ್ಳಲ್ಲ ಅದ್ನ ಆಡೋಕೆ ಅಂತ . ಮೊನ್ನೆ ಹೀಗೆ ಚಾಟ್ ಮಾಡ್ಬೇಕಿದ್ರೆ  ಆಟ ಆಡ್ತಿದಿನಿ ಅಂದೆ..ಇಷ್ಟು ದೊಡ್ಡ ಆದ್ರುನು ಇನ್ನು ಚಿಕ್ಕ ಮಕ್ಕಳ ಆಟ  ಆಡೋದ್ ಬಿಟ್ಟಿಲ್ಲ ನೀನು ಅಂದ್ರು ..ಈ ತರದ  ಆಟಗಳನ್ನ ಚಿಕ್ಕ ಮಕ್ಳು ಮಾತ್ರ ಆಡಬೇಕು ಅಂತ ಹೇಳ್ದೋರ್ ಯಾರು ಅಂತೀನಿ..ಆಟಗಳನ್ನ ಆಡೋದು ನಮ್ಮ ಮೈಂಡ್ ರೆಫ್ರೆಶ್ಮೆಂಟ್ ಗೆ ತಾನೆ. ಕೆಲವು ದೊಡ್ಡವರು  ದುಡ್ಡು ಕಟ್ಟಿ ಆಡೋ ಜೂಜು, ಇಸ್ಪೀಟ್,ರೇಸ್ (ಅದರಿಂದ  ಮನೆ ಸಂಸಾರವನ್ನು ಹಾಳು ಮಾಡಿಕೊಳೊದಕ್ಕಿಂತ ) ಗಿಂತ ಈ ತರದ ಆಟಗಳು ಒಳ್ಳೇದಲ್ವ.


Monday, December 12, 2011

ಮನಸ್ಸು

  •  ಅವತ್ತು ರೈಲಿನಲ್ಲಿ ಹೋಗೋವಾಗ ಹಬ್ಬದ ಟೈಮ್ .ಸೀಟ್ ಸಿಗದೆ ನಿಂತಿದ್ದೆ ಪಕ್ಕದಲ್ಲೇ ಸಿಂಗಲ್ ಸೀಟ್ ಅಲ್ಲಿ ಕುಳಿತಿದ್ದ ಅಂಕಲ್ ಸ್ವಲ್ಪ ಸರಿದು ಜಾಗ ಕೊಟ್ರು .ಅಡ್ಜಸ್ಟ್ ಮಾಡಿಕೊಳೋದರ  ಕಷ್ಟವನ್ನು ನಾನು ತುಂಬಾ ಸಲ ಅನುಭವಿಸಿದ್ದೇನೆ. ಮಂಡ್ಯ ಬರೋ ವರೆಗೂ ಕೆಳಗಾದರು ಕೂರೋಣ ಅನಿಸುತ್ತಿತ್ತು .ಆದರು ಹೇಗೋ ಕುಳಿತಿದ್ದೆ .ಅಷ್ಟರಲ್ಲಿ  ಸೀಟ್ ಸಿಗ್ತು ಸದ್ಯ 
  • ತುಂಬಾ ಜನಕ್ಕೆ ಚಪಾತಿ ಮಾಡೋವಾಗ ಕಾಪಿ ಪೇಸ್ಟ್ ಮಾಡೋಕೆ ಬಂದಿದ್ದರೆ ಎಷ್ಟು ಚನ್ನಾಗಿರುತ್ತಿತ್ತು..
  • ಪಕ್ಕದಲ್ಲಿ ಬುಕ್ ಇದೆ ನಾಳೆ ಇಂದ ಓದೋಕೆ ಸ್ಟಾರ್ಟ್ ಮಾಡೇ ಮಾಡ್ತೀನಿ
  • ಮನೆಗೆ ಕಾಲ್ ಮಾಡಬೇಕು ಹೇಗಿದ್ರು ಮನೆ ಮಿತ್ರ ಲ್ಯಾಂಡ್ ಲೈನ್ ಫ್ರೀ. ಬೇಡ ಬೇಡ ಮನೆ ಇಂದ ಮಿಸ್ ಕಾಲ್ ಬಂದಮೇಲೆ ಮಾಡಿದ್ರಾಯ್ತು
  • ಯಾರ ಹತ್ತಿರನೋ  ಮಾತಾಡಬೇಕಿತ್ತು ಇನ್ನು ಮಾತಾಡಿಲ್ಲ .ಇವತ್ತು ರಾತ್ರಿ ಏನೇ ಕೆಲಸ ಇದ್ದರು ಮಾತಾಡಲೇ ಬೇಕು
  • ಈಗ ಸೇಬು ಹಣ್ಣು ಇದ್ದಿದ್ರೆ ಎಸ್ಟ್ ಚನ್ನಾಗಿ ಇರೂದು .ರೇಟ್ ಜಾಸ್ತಿ ಮಾಡಿದಾರೆ ಛೆ
  • ಹೊರಗಡೆ ಕಾಣ್ತಿರೋ ಪಾರಿವಾಳ ನಾ ಆಗಿದ್ರೆ ಎಸ್ಟೊಂದು ಜಾಗ ಗಳನ್ನ ನೋಡ್ಬೋದಿತ್ತು  ಅದು ಫ್ರೀ ಆಗಿ  
  • ಅವತ್ತು ನೋಡಿದ ಕಡಗೊಲಿನ ಫೋಟೋ ತೆಕ್ಕೋ ಬರಬೇಕಿತ್ತು.
  • ಈ ಸಿಟಿ ಹುಡುಗೀರು ಯಾಕಪ್ಪ ಇಸ್ಟ್ ಸಕತಾಗ್ ಇರ್ತಾರೆ ...ಅದು ಒಳ್ಳೇದೆ ಅವ್ರ ಜೊತೆ ನಾವ್ ಹೋದ್ರೆ ಎಸ್ಟ್ ಹುಡುಗರನ್ನ ಬೇಕಾದರು ನೋಡ್ಬೋದು.ಆ ಹುಡುಗರ ಕಣ್ಣೆಲ್ಲ ಹೇಗಿದ್ರು ಆ ಸುಂದರವಾದ ಹುಡುಗಿಯ ಮೆಲಿರತ್ತಲ್ಲ.
  •  ಕಾರ ಕಾರದ್ ಚಿತ್ರಾನ್ನ , ಪುಳಿಒಗರೇ ವಾವ್ 
  • ಇವತ್ತು ಮಾಲ್ ಗೆ ಹೋದಾಗ ಒಂದು ಚಂದದ ಟಾಪ್ ತಗೋಬೇಕು .ಅವತ್ತು ಹೊರಗಡೆ ನಿಲ್ಲಿಸಿದ್ದ ಗೊಂಬೆಗೆ ಹಾಕಿದ್ರಲ್ಲ ಅತರದ್ದು.
  • ಊಊ ಚಳಿ ಆಗ್ತಿದೆ ಯಾರ್ ಎದ್ದೋಗಿ ಫ್ಯಾನ್ ಆಫ್  ಮಾಡ್ತಾರೆ ಬೇಜಾರು

    ಏನೇನೋ ಇದೆ ಒಂದಕ್ಕೊಂದು ಸಂಬಂದವೇ  ಇಲ್ಲ  ಆದರೆ ಇದು ಮನಸ್ಸಿಗೆ ಸಂಬಂದ ಪಟ್ಟಿದ್ದು ..ದೇಹ ಇಲ್ಲೇ ಇದ್ರೂ ಎಲ್ಲೆಲ್ಲೋ ಓಡಾಡ್ತಿರತ್ತೆ ಈ  ಮನಸ್ಸು.ಮಾಡೋ ಕೆಲಸದಲ್ಲಿ ಆಸಕ್ತಿ ಇಲ್ಲ ಅಂದ್ರೆ ಕೈ ಕೆಲಸ ಮಾಡ್ತಿದ್ರು ಮನಸ್ಸು ಬೇರೆಲ್ಲೋ ಇರತ್ತೆ. ಕಿವಿ ಬೇರೆಯವರು ಹೇಳೋದನ್ನ ಕೇಳ್ತಿದ್ರು ಮನಸ್ಸು ಮತ್ತೇನೋ ಯೋಚಿಸುತ್ತಿರುತ್ತೆ .ಮನಸ್ಸು ಅನ್ನೋದು ಒಂದು ವಯಸ್ಸಿಗೆ ಸಂಬಂದ ಪಟ್ಟಿದ್ದಲ್ಲ .. ಹುಚ್ಚು  ಕೊಡಿ ಮನಸ್ಸು ಅದು ೧೬ ರ ವಯಸ್ಸೇ ಆಗಬೇಕೆಂದೇನು ಇಲ್ಲ.೧೬ ರ ವಯಸ್ಸಿನಲ್ಲಿ ಸ್ವಲ್ಪ ಜಾಸ್ತಿ ಹುಚ್ಚು ಹುಚ್ಚಾಗಿ ಆಡಿಸುತ್ತದೆ. ಒಂದೊಂದು ವಯಸ್ಸಿನಲ್ಲಿ ಒಂದೊಂದು ತರ ಯೋಚನೆಗಳು.ವಯಸ್ಸಿಗೆ ತಕ್ಕಂತೆ ಮನಸ್ಸಿನ ಯೋಚನೆ ಗಳು ಬದಲಾಗುತ್ತೆ.ಈ ಮನಸ್ಸನ್ನು ಕಂಟ್ರೋಲ್ ಮಾಡಲು  ದ್ಯಾನ ,ಯೋಗಾಸನದಿಂದ ಸಾದ್ಯ. ಆದರೆ ದಿನನಿತ್ಯ ಅದನ್ನು ಮಾಡಲು ಮನಸ್ಸೂ ಒಪ್ಪಬೇಕಲ್ಲ .ಮನಸ್ಸೇ ರಿಲ್ಯಾಕ್ಸ್ ಪ್ಲೀಸ್ಸ್ಸ್ ....